CAGAYAN DE ORO CITY-Boluntaryong mitahan balik sa gobierno kay giingong nailad sa tinunto nga idolehiya sa CPP-NPA ang tulo nila ka aktibong miembro diha sa Malaybalay City,Bukidnon.
Kini ang giingong rason nga nabati ni 403rd IB civil military operations officer Capt Norman Tagros gikan kanila ni Alyas Nante sa Guerilla Front 6;Alyas Pipoy ug alyas Janjan gikan sa Guerilla Front 53 dihang milampos sila pagbiya sa kalihukan pabalik sa gobierno.
Gibutyag ni Tagros nga dala sa pagtahan sa tulo ka NPA combatants ang mga bomba;M-16 rifles;short firearms ug mga nagkadaiyang klase sa bala.
Dugang ni Tagros nga gihatagan sa hugot nga seguridad ang tulo ka NPA members samtang naka-base una sa Camp Osito Bahian sa Bukidnon.
Una nang namahayag kaniadto si 4th ID,Philippine Army commander Maj Gen Ronald Villanueva nga andam sila modawat sa mga NPA member nga mo-surrender aron himoon usab nga regular nga mga sundalo sa gobierno.
