CAGAYAN DE ORO CITY-Gilambigit karon sa contractor nga si Engr Selwyn Lao si kanhi Commission on Higher Education o CHED chairman Patricia Licuanan sa gisudlang pipila ka giingong kurapsyon ni late USTP President Ricardo Rotoras.
Kini human namugos si Lao nga illegal ang pagkatudlo ni Licuanan ug sa Board of Regents kang Rotoras aron mahimong presidente sa USTP tungod sa pagka-konbikto sa kasong administratibo sa Ombudsman niadtong tuig 2011.
Gibutyag ni Lao kinsa presidente sa Wing-an Construction and Devt Corporation kini ang hinungdan nga gigamit niya ang hukom sa Korte Suprema nga nagpabor sa Ombudsman decision aron kasuhan sa administratibo ug kriminal si Rotoras ug Licuanan.
Miangkon si Lao nga dismayado kang Licuanan dihang wala’y aksyon sa iyang reklamo nga ‘red tape issue’ batok Rotoras samtang gitukod ang student center sa USTP sugod tuig 2016.
Una nang gibutyag ni Licuanan sa Bombo Radyo nga gikondinar niini ang utok sa kamatayon ni Rotoras atol sa duaw sa iyang haya sa USTP gym niadtong Disyembre 6.
Hisayrang epektibo usab ning semanaha,nagpagwas sa press release ang USTP sa Rotoras killing diin kusganong gikondinar ug gihamakak ang tanang pasangil ni Lao batok kanila.
