CAGAYAN DE ORO CITY-Gitin-aw ni Engr Selwyn Lao kinsa presidente sa Wing-An Construction and Development Corporation nga wala siya malisang sa alegasyon nga kabahin siya sa mga person of interest sa pagpatay kang late University of Science and Technology of Southern Philippines (USTP) ug Philippine Association of State Universities and Colleges (PASUC) President Dr Ricardo Rotoras.
Siya miingon nga gamay lamang nga kantidad sa proyekto ang ilang gikabiklan ni Rotoras ug siya nagtoo nga adunay mas dako pang kantidad ang iyang wala mabayran nga contractor.
Gani, gibutyag niini nga andam siyang motabang sa imbestigasyon sa kapolisan aron lamang malimpyohan ang iyang ngalan.
Una nang giangkon ni Lao nga dili maayo ang ilang relasyon ni Rotoras.
Samtang gitin-aw usab ni Lao ang akusasyon niya nga bagman ni Rotoras si Architect Rey Galua.
Matud ni Lao nga iyang ginganla’g bagman si Galua tungod kay kini ang giingong middleman ni Rotoras ug tigbayad sa mga contractor.
Dugang niini nga si Galua usab ang sulugoon ni Rotoras ug kini ang iyang kanunay ka-transact sa negosyo.
