CAGAYAN DE ORO CITY-Gi-imbitar ni Comelec regional director Reynato Magbutay ang nagkadaiyang sektor nga tambungan ang public hearing nga ilusad diha sa Grand Caprice Hotel ning syudad karong adlawa.
Kini aron matuki ug makuhaa’g pulso ang publiko kabahin sa brgy & SK elections sa Northern Mindanao.
Miingon si Magbutay nga tuyo niini nga masayran sa ilang duha ka Comelec commissioners kon unsa ang kagustuhan sa katawhan sa rehiyon ilabina nga usa ka tuig nga ubos sa martial law ang Mindanao.
Partikular gi-awhag ni Magbutay ang mga anaa sa academe, mga botante, mga batan-on ug mga propesyonal nga mutambong alang sa maong katuyuan.
