CAGAYAN DE ORO CITY-Paminawon sa korte ang mga argumento sa kampo sa lima ka pulis nga akusado sa pagkadagit ug pabiling missing nga negosyante nga si Enrique ‘Eking’ Fernandez III ning syudad.
Kini human gi-schedule ni RTC Branch 38 presiding Judge Emmanuel Pasal ang pagpaminaw sa petition for bail sa kampo ni detained Sr/Insp Erenio Ramirez ug laing upat ka kauban sugod ning adlawa.
Miingon ang abogado sa pamilyang Fernandez nga si Atty Rey Raagas nga gisalig nila sa huwes ang proseso sa kaso ilabina nga hangtod karon wala pa gihapon makit-i ang biktima sukad gidagit nila ni Ramirez sa
Upper Carmen niadtong Oktubre 2016.
Masaligon si Raagas nga mopabor sa ilang panig ang dagan sa pagdungog sa korte ilabina nga anaa kanila ang mga lig-ong ebedensiya magduot batok sa maong mga pulis.
