CAGAYAN DE ORO CITY- Nagduda si kanhi City Mayor Vicente Emano kon dunay pagtugot ni Pres Rodrigo Duterte ang pagdawat sa PDP-Laban diin nanghurar ang libuang bag-ong miembro atol sa mass oathtaking sa USTP gym sa syudad.
Kini human kabahin sila si City Mayor Oscar Moreno;City Vice Mayor Rainer Kikang Uy;Cong Rolando Klarex Uy,Misamis Oriental 1st District Rep Pedro Unabia ug ubang elected officials gikan sa Camiguin ug Misamis Occidental ang nanumpa atubangan ni Senate Pres Koko Pimentel sa miaging semana.
Miingon si Emano nga ang gihimo sa maong mga opisyal nagpakita lamang kon unsa sila ka oportunista ug pagka-walay delicadeza.
Samtang wala panumbalinga ni City Mayor Oscar Moreno ang pagsaway ni kanhi City Mayor Vicente Emano kabahin sa iyang hingpit pagbalhin sa PDP-Laban gikan sa partido Liberal.
Miingon si Moreno nga maoy nag-unang tahas nila molampos ang sistemang pederalismo nga gihingusgan ni Duterte.
