CAGAYAN DE ORO CITY-Luwas na batok sa bisan unsang armadong pundok ang syudad sa Marawi, Lanao del Sur.
Kini bisan nga kanhi giatake sa grupong Maute-ISIS partikular ang 24 ka barangay sa maong syudad niadtong Mayo 2017.
Miingon si Joint Task Force Ranao deputy commander Col Romeo Brawner nga kabahin sa mga lakang nga gihimo sa state forces mao ang paggukod sa armadong mga pundok nga nagkampo sa pipila ka bahin sa Lanao del Sur.
Hisayrang una nang gikompirmar sa AFP nga bag-ong 200 ka Da-esh-ISIS fighters ang naglihok na usab sa pipila ka bahin sa Lanao Sur gikan sa pagkapulbos sa grupong Maute-Abu Sayyaf Group sugod niadtong petsa 23 sa Mayo hangtod Oktubre 2017.
