CAGAYAN DE ORO CITY-Balhog sa prisohan ang tibook sakop sa pamilya sa Brgy Linangkayan,Naawan, Misamis Oriental.
Kini human masapon nga gapayuhot sa ilegal nga druga sa maong lugar.
Giila ang mga mga dinakpan nga sila si Zaldy Sereño, 57 ug ang kapikas niini nga si Annie Dacoco, 53, nga brgy kagawad sa ilang lugar.
Nakuha sa panimalay sa mga dinakpan ang lima ka mga pakete sa gitoohang shabu.Lakip nasikop ang ilang anak nga si Bryan, 27 anyos human gipaubos sa drug buy-bust operation.
Positibo nga nakuhaan sa drogas ang nasampit nga suspek ug ang paghupot niini sa P1,000 nga marked money.
Subay sa labing ulahing report gikan sa korte, mahimong maka-piyansa sa P200,000 ang magti-ayon apan walay recommended nga piyansa sa ilang anak nga aktong nasapon sa pagpamaligya sa druga.
Sumala sa Naawan Municipal Police Station, nakagawas na ang gi-akusahang brgy kagawad nga tigpayuhot human siya lang sa tulo ang nakabayad sa P200,000 nga piyansa kagahapong adlawa.
