CAGAYAN DE ORO CITY-Giimbestigaran sa City Fire Department ang pagkasunog sa duha ka andana nga gambalay
nga naka-apektar sa unom ka pamilya diha sa Zone 10,Brgy Cugman ning syudad kagahapon sa hapon.
Kini human unang milugwa ang report nga may mga bata nga nagdula-dula sa nagsiga nga lighter hinungdan sa pag-ulbo sa sunog sa lawat nga gipuy-an ni Edna Patayon sa maong lugar.
Gibutyag ni City Fire Dept chief investigator SFO1 Dennis Dalis nga gilayong mikatag ang kalayo sa katupad nga mga kuwarto sa gipuy-an ni Patayon hinungdan sa sunog.
Mitala ang sunog sa 50-mil pesos nga damyos ang maong sunog dihang apektado ang unom ka pamilya.
