CAGAYAN DE ORO CITY-Luwas na sa peligro nga kahimtang ang unom ka sundalo nga unang samaron sa engkuwentro tali sa rebeldeng New People’s Army sa Brgy Cawayan,Quezon,Bukidnon.
Kini human nadala ang maong mga sundalo sa 88th IB,Philippine Army sa Camp Evangelista Station Hospital ning syudad.
Miingon si 4th ID commander Maj Gen Ronald Vilanueva nga naghatag seguridad ang maong mga sundalo dihang giatangan kini sa mga rebelde hinungdan sa engkuwentro.
Gipanganti ni Villanueva ang kusganong paggukod sa mga rebelde hangtod nga dili kini motahan balik sa gobierno.
Dugtong niini,subli giawhag sa 4th ID ang mga rebelde nga talikdan ang walay hinungdan niini nga pakigbisog diha sa kabukiran.
Gihimo ni 4th ID commander Maj Gen Ronald Villanueva ang awhag pinaagi sa Bombo Radyo nunot sa daghan nang mga NPA rebel ang nagbalik sa gobierno.
Gipanganit usab niini nga kasuhan kadtong mga govt official nga naghatag suporta ngadto sa mga rebelde sa kabukiran.
Hisayrang kagabii,kuyog ni Pres Rodrigo Duterte ang gatusang NPA rebel returness nga nanihapon sulod sa Malakanyang.
