CAGAYAN DE ORO CITY-Nagdumili na si City Mayor Oscar Moreno nga makig-kontra’g balik kang kanhi City Mayor Vicente Emano sa mga sunod pa nga piliay sa syudad.
Kini tungod kay maoy gusto ni Moreno nga sunod nga ikaatbang si Misamis Oriental Gov Bambi Emano.
Gihimo ni Moreno ang pahayag dihang gibati ni Emano ang reaksyon niini nga paghatag hustisya sa katawhan sa lalawigan ang ika-24 nga dismissal order nga nadawatan sa mayor sa syudad.
Miingon si Moreno nga dili na kini motumpang pa kang Dongkoy kay makaduha na niya kini napukan sa duha ka mga piliay sa syudad.
Samtang dili sibugan ni Misamis Oriental Gov Bambi Emano nga atbangan si Mayor Oscar Moreno pagka-mayor sa syudad.
Kini kon itugot sa partido Padayon Pilipino nga siya ang ituboy aron modagan sa pagka- mayor sa sunod nga piliay sa dakbayan.
Miingon si Emano nga andam usab niini atubangon sa usa ka debate si Moreno nunot sa mga giingong mga salaod niini samtang gobernador pa sa lalawigan kaniadto.
Hinoon,una nang namahayag si Emano nga tiwason pa niini ang iyang laing termino pagka- gobernador sa Misamis Oriental.
