CAAYAN DE ORO CITY-Gipa-aktibo na ni City Mayor Oscar Moreno ang emergency operations center ingon man ang incident management team tungod sa bahad nga dala sa bagyong Basyang ning syudad.
Kini bisan nga gilauman nga mag-landfall ang mata sa bagyong Basyang sa Caraga Region.
Miingon si CDDRMD head Allan Porcadilla nga giisa ang taas nga alerto tungod sa pagsilbing public storm signal no.1 sa Cagayan de Oro City,Misamis Oriental,Bukidnon ug Camiguin.
Giawhag ni Porcadilla ang katawhan nga dili na maghulat nga e-rescue pa kon ugaling makita nila nga peligro na ang sitwasyon sa ilang lugar epekto sa pagsaka sa tubig-baha.
Kasamtangang ubos pa sa state of calamity ang syudad epekto sa bagyong Vinta niadtong Disyembre 2017.
Sa pikas bahin,gimando na usab ni Gov Bambi Emano ang taas nga alerto sa tanang kalungsuran sa Misamis Oriental.
Partikular nga gitahasan ni Emano ang mga personahe sa MisOr Provincial Disaster Risk Reduction and Management Office alang sa maong katuyuan.
Hisayrang ubos sa public signal no.1 nga kamanduan,gilayong kanselado ang mga klase sa kindergarten samtang dili usab tugtan sa Philippine Coast Guard ang mga barko nga maka-biyahe.
