CAGAYAN DE ORO CITY-Stranded o natanggong ang dul-ag 700 ka pasahero nga nakabase sa nagkadaiyang pantalan sa Northern Mindanao ug Caraga regions sukad pa kagahapong adlawa.
Kini human wala na tugti sa Philippine Coast Guard ang mga biyahe sa mga barko ug bisan sa roro vessels tungod sa bagyong Basyang nga moigo sa Mindanao ning adlawa.
Subay sa monitoring sa Bombo Radyo,anaa sa 200 ka pasahero ang stranded sa Macabalan Port ning syudad, 315 sa Dapitan City, 89 sa Surigao ug 34 pasahero sa Nasipit, Agusan del Norte.
Unang gipahunong sa PCG ang tanan biyahe sa pantalan sa duha ka rehiyon human giisa sa PAG-ASA ang public storm signal no.2 sa maong mga rehiyon.
