CAGAYAN DE ORO CITY-Gimando ni 4th ID commander Maj Gen Ronald Villanueva sa ilang tropa nga hataga’g igong seguridad ang katawhan nga gihasi sa Brgy Cagawasan, Kibawe, Bukidnon.
Kini human nagpaabot sa reklamo ni Cagawasan Barangay Kapitan Rolando Perequete nga gi-harass sila sa rebeldeng New People’s Army o NPA.
Gikompirmar ni 4th ID spokesperson 1Lt Tere Inghente nga gitahasan na ni Villanueva ang ilang mga kumander nga sumpu-on ang giingong pagpanghasi sa NPA rebels sa mga sibilyan nga nakabakwit sa public plaza sa maong lungsod.
