CAGAYAN DE ORO CITY – Giawhag ni Valencia City Police Office commander Lt. Col. Surki Serenias ang pamilya sa napatay’ng tulisan nga si Angelo Florida nga mobisita sa iyang buhatan sa Bukidnon.
Tumong niini nga matubag sa mga operatiba ang akusasyon sa pamilya sa namatay nga ‘mistaken identity’ lamang ang suspek.
Gibutyag ni Serenias nga dili mahimo nga masayop sila sa pagtumbok sa suspek nga maoy responsable sa pagtulis sa duha ka sales lady sa Frontrow Enterprise.
Gani, gikumpirmar ni Serenias nga ilang narekober mismo sa posisyon sa suspek ang iyang kinawat nga mga wallet sa biktima, cellphone, mahalong items sa tindahan ug cash nga P700 nga nakuha niini.
