CAGAYAN DE ORO CITY – Emosyonal ang usa ka tambay nga amahan human natuman ang iyang hangyo nga mahatagan siya sa reading eyeglasses sa gipahigayong Bombo Medico 2019 sa Capitol University.
Sa interbyu sa Bombo Radyo, mi-angkon si Joseph Lagunza, 59 anyos nga taga Agora, Brgy. Lapasan, nga dugay na siyang naghinam-hinam nga mahiling ang iyang mata tungod kay magsige kinig sambol ug basa.
Daw nakahilak ang amahan human nadawat niya sa optimitrist ang iyang bag-ong antipara ug mi-angkon nga daku ang iyang pasalamat sa Bombo Radyo ug sa mga doctor nga milihing kaniya.
Siya miingon nga wala siya’y salapi nga ika-gasto sa iyang problema sa mata kay nagsilbi nalang siyang tambay.
