CAGAYAN DE ORO CITY – Gipadali ni PNP chief Gen Debold Sinas sa Lanao del Norte Provincial Police Office ang pagtumbok sa responsable sa pagpabuto’g armas diin nag-resulta sa kamatayon sa 12 anyos nga batang babaye sa lungsod sa Sapad sa pagsugat sa bag-ong tuig.
Kini human nakatala Gibutyag ni PNP spokesperson Brig Gen Ildebrandi Usana nga gihulat nila ang resulta sa imbestigasyon aron kasuhan ang mihimo sa indiscrimate firing nga nagresulta sa kamatayon ni Suzzette Manamparan nga nagsilbing pinakaunang kaso dinhi sa Mindanao.
Samtang giangkon sa kapolisan nga wala pa sila’y nahuptan nga witness diin makatabang sa paspas nga kasulbaran sa kamatayon ni Manamparan nga naigo sa saag nga bala sa Purok 10, Sitio Mirasol,Sapad, Lanao del Norte.
Gibutyag ni Lanao del Norte Provincial Police Office spokesperson Maj Salman Saad nga gipalawman pa sa kapolisan ang pag-imbestigar sa hitabo.
Giawhag ni Saad ang mga nakasaksi sa krimen nga modangop sa ilang buhatan alang sa paspas nga paghatag hustisya sa biktima.
