CAGAYAN DE ORO CITY – Gikasubo sa PDEA-10 ang pagkasikop sa ilang kanhi regional director nga si retired Army Lt Col Edwin Layese tungod sa kasong pagpusil-pagpatay kang Atty Joey Luis Wee sa opisina niini sa Cebu City.

Kini human gipamugos ni NBI-7 regional director Renan Oliva nga dunay igong ebedensiya nga magtumbok kang Layese nga konektado sa kamatayon ni Wee.

Gibutyag ni PDEA-10 regional director Emerson Rosales nga nakaila siya kang Layese isip iyang senior officer sa ahensiya.Siya miingon nga gusto usab nila masayod kon nganong naakusahan si Layese kinsa miembro sa PMA Class 1994 batok sa maong kaso.

Si PDEA-10 regional director Emerson Rosales

Si Layese nga kanhi regional director sa PDEA-BARMM ug PDEA-Western Visayas unang gitudlo sa mga dinakpan nga maoy nagplano ug nagsugo kanila aron ipapatay si Wee niadtong Nobyembre 23,2020.