CAGAYAN DE ORO CITY – Hayan makagawas na ang 26 ka backdoor mountain climbers nga gipangdakop sa mga sakop sa Protected Area Management Board o PAMB nunot sa walay pagtugot nga mosaka sa Mt Kitangland sa Impasug-ong,Bukidnon.
Kini human gitugtan sa korte nga makapiyansa ang grupo ni Harold Borja sa balor tag-P60-mil pesos alang sa ilang temporaryong kagawasan batok sa kasong pagsupak sa Mt Kitanglad Range Protected Area Act of 2000.
Miingon si Impasug-nong Police Station commander Capt Ritchlie Murillon nga partikular nga nasupak sa backdoor mountain trekkers ang pagsupak sa no. 1 ug no.5 sa section 10 sa maong balaod diin mahimong mabilanggo ug mapamulta sa balor sa sin-miel pesos.
Kabahin sa mga mi-binastos sa patakaran sa maong bukid ug kultura sa mga lumad nga namuyo sa Kitanglad mao sila si Angel Ann Aglapasin;Raina Ramon ;Augustine Arandia;Laarni Zenia Gaor;Janet Antonio;Patricia Perez;Cyril Innis;Sarah Samson;Jennie Bangugulian;Paul Rogen Tupino;Jobert Eupalao;Romeo Abenir;Marlon Labay Jr;Gerard Andrew Bantug;Kevin Christian Esguerra Mark Andrew Arevalo;Keith John Julian;Rodel Valenzuela;Joven Santos;Allan Caroche;Aurellio Arevalo;Chris Angelico Sabornido;Edward Perez;Jose Marx Soguillon ug Humphrey Offiaza gikan Cagayan de Oro ingon man si Borja nga giingong organizer sa mountain climbing sa miaging semana.
