CAGAYAN DE ORO CITY – Na-embargo sa 2nd Provincial Mobile Force Company o PMFC sa Lanao del Norte Police Provincial Office ang balor 800-mil nga gitoohang smuggled cigarettes sa Brgy Bansarvil 1,Kapatagan,Lanao del Norte.
Gibutyag ni Police Regional Office 10 Director Brig Gen Jaysen de Guzman nga naharang ang maong kontrabando pinaagi sa checkpoint operation nga gikarga sa van nga giingong gikan sa Zamboanga City.
Nasikop sa maong operasyon ang tulo ka wala una panganli nga mga suspek nga maoy tinguha magpalusot sa maong kontrabando.
Detinado ang mga dinakpan sa mini-cell sa Kapatagan Police Station samtang ang libo ka reams sa mga sigarilyo ang gitugyan sa Bureau of Customs alang sa imbentaryo ug pagpre-para sa pagduso’g kaso.
