CAGAYAN DE ORO CITY – Pursigido mokaso’g pagpanulis ang tigdumala sa regular management sa Cagayan de Oro Water District o COWD ngadto kang interim General Manager Fermin Jarales ug mga kauban niini.
Kini ang panganti ni regular COWD chairman of the board Dr Gerry Caño kabahin sa nahitabong kagubot sa opisina sa miaging semana santa.Miingon ang opisyal nga dili nila palabyon ang daw pagbinastos ug pagpanguha’g mga dokumento sa interim manager.
Nasuta nga nag-isig pasangil ang duha ka panig sa paglungkab sa COWD diin gihimuan pa sa imbestigasyon sa kapolisan.
Dumduman nga human sa maong eksena,mas gipili sa kampo ni Jarales nga magpakahilom una alang sa mga sunod nga buhatong legal sa panig nila ni Caño.
Hisayrang una nang nangakusar ang regular mngt nga nanglungkab si Jarales sa mga dokumento apan kusganon kining gihimakak sa naulahi ug gisumbalika’g tudlo nga ang grupo ni acting COWD General Manager Engr Edna Najeal ang maoy mihimo niini niadtong Abril 15 ning tuiga.
