CAGAYAN DE ORO CITY – Gipasugdan na ni City Mayor Rolando ‘Klarex’ Uy sa kapolisan ug militar nga pahugtan ang ipatuman nga seguridad sa dakbayan.
Kini alang sa mga dagkong aktibidad nunot sa ika-127 ka tuig nga Philippine Independence Day ug ika-75 ka tuig nga pagka-chartered city sa Cagayan de Oro.
Namahayag si Janboy Actub,tigpamaba ni Mayor Klarex nga sunod-sunod nang nagkatagbo ang Task Force Oro ug Cagayan de Oro City Police Office aron magkauyon ang klase sa seguridad nga ipatuman sa maong mga kalihukan.
Siya miingon nga nakasukip usab sa mga kalihukan ang paglusad ni Uy sa iyang city mayor’s term report sa Hunyo 16 dungan sa pagpanumpa niini alang sa ikaduhang termino isip mayor sa dakbayan.
