Kumpiyansa si United States President Donald Trump nga dili na makabalik ang gobyerno sa Iran sa ilang nuclear program.
Sa bag-uhay nga press conference, gipadayag ni Trump magkalisud na ang Tehran Government sa pagbubo sa bilyones nga pondo ug logistics aron subli-on ang ilang nuclear enrichment program, human ang malampusong Operation Midnight Hammer, nga gilusad sa Amerika.
Mahinumduman nga tolo ka lokasyon sa nuclear facility sa Iran ang nabungkad sa maong operasyon. Lakip sa nadamyos ang Fordow nuclear facility, Natanz, ug Isfahan.
Ang Fordow, maoy nahimutang ilawom sa bukid, ug milampos ang US Airforce sa pag-igo sa tago nga pasilidad gamit ang 30,000-pound bunker-buster bombs nga gi-deploy sa B-2 stealth bombers.
Samtang ang Natanz ug Isfahan naigo gamit ang cruise missiles ug uban pang precision-guided weapons.
Subay sa report sa Pentagon, ang mga nuclear sites nakasinati sa grabeng pagkadamyos ug ang CIA, kuyog ang Director of National Intelligence mitumbok nga ang mga pasilidad kinahanglan sa “tuig” aron matukod subli kung boot pa sa Iran nga magbalik operasyon.
