CAGAYAN DE ORO CITY – Naparalisar ang mga kalihukang ilegal sa mga utok sa paglusad sa hiwi nga paagi sa pagpanguhang mga bulawan ug ubang minerales sa bukirang bahin sa Sitio Kilalab,Brgy Mahayahay,Manticao,Misamis Oriental.
Kini human nabawi sa sa joint operation sa mga operatiba sa Regional Special Operations Unit 10 ug Regional Mobile Force Battalion 10 ang balor 1.1 milyones pesos nga illegal mining equipment ug mineral ores epekto sa maong paglusob sa lugar.
Matud ni Police Regional Office 10 spokesperson Major Joann Navarro nga ang pagkabawi sa maong kagamitan resulta sa lig-on nga koordinasyon sa anti-illegal mining operation kuyog ang deputized personnel sa Mines and Geosciences Bureau o MGB 10 nga nag-resulta pagka-kompiskar sa mga kabtangan sa pagkalut-kalot sa mga yuta alang sa minerales.
Nakasibat ang illegal miners kay hayan may mga impormasyon na nga nakaabot sa lokasyon diin distansya gikan sa sentro sa maong lugar.
Kabahin sa mga nabawi nga nga mga kagamitan ang pito ka rod mill drums, 500 sako sa mineral ores ug 3-meter connecting rod.
Gitakdang itugyan sa RMFB 10 sa MGB 10 ang mga nabawi nga nga mga kagamitan alang sa tukmang paghikay sa mga lakang-legal.
Dumduman nga sa pag-asiyum ni Misamis Oriental Gov. Juliette Uy sa kapitolyo-probinsyal,gusto niya nga masulbad ang illegal mining activities sa westeng bahin sa lalawigan aron maputol ang grabeng pagpanapi sa pipila lamang nga dunay lakas nga kapit sa kagamhanan.
