Patay na ang usa sa labing sikat nga football player Diogo Jota, sa Liverpool Football Club sa Premier League sa England.
Nakurat ang mga fans sa 28-anyos nga atleta sa iyang kalit nga pagtaliwan uban sa iyang igsoon nga si Andre Silva, human kini ma-aksidente sa Zamora, Spain.
Subay sa imbestigasyon sa mga otoridad, ang Lamborghini sa mga biktima kalit nga miliko sa dalan, dihang gitoohang mibuto ang ligid niini, ayha nasunog.
Miresulta ang insidente sa hinanaling kamatayon sa duruha, kagabie, oras dinhi sa Pilipinas, apan, kadlawon didto sa Espanya.
Hisayran nga namatay si Jota, duha ka semana siya kasla sa iyang long-time partner nga si Rute Cardoso. Ang liverpool player mibiya sa iyang tulo ka anak.
Si Jota mitala sa 65 ka goals gikan sa iyang 182 ka dula sukad sa iyang pag-apil sa club niadtong 2020.
Sa Portugal, siya nakadula sa 49 ka international matches, ug nakadaug sa UEFA Nations League kaduha. Ang Portuguese Football Federation, Liverpool FC, ug daghang mga personalidad sa football mipadayag sa ilang kasubo ug pagtahod sa legasiya ni Jota ug sa iyang igsoon.
