CAGAYAN DE ORO CITY – Gilayong gihupay sa kapolisan ang pangutana kabahin sa kamatayon sa ulitawo nga tinun-an ug nagsilbing trabahante sa bisinidad sa Barangay 32 ning syudad.
Giila ni Cogon Police Station 2 commander Major Sabido Labitad ang namatay nga si Sean Michael nga taga-no.43,12-21st Streets,Brgy Nazareth sa dakbayan.
Matud ni Labitad nga hayan nagpusil sa kaugalingon ang biktima gamit ang kalibre 38 nga armas nga giingong iya sa higala niya nga sekyu ug kauban sa trabaho sa usa ka cafe nga nakabase sa Brgy Nazareth.
Saysay sa opisyal nga adunay igo sa li-og ang biktima ug milahos sa iyang agtang hinungdan sa kamatayon niini.
Kasamtangang gidala sa punerarya ang patay’ng lawas sa biktima ug gisugyot sa kapolisan nga ipaubos sa otopsiya aron kalikayan ang mga panaghap.
Hisayrang nabasahan usab sa kapolisan ang text messages sa cellphone sa biktima diin nagsaysay nga mohimo kini sa pagpasakit sa iyang kaugalingon.
