CAGAYAN DE ORO CITY – Dili makapasaylo ang amahan sa gipatay nga si 2023 Mr. Cagayan de Oro candidate Adriane Rovic Fornillos ngadto sa mga tawo nga utok sa kamatayon niini sa Brgy Nazareth ning syudad sa miaging May 9,2023.
Kini bisan kung pananglitan nga makahatag sa pasaylo si Adriane sanglit masabtan niya kay wala pa nahimo nga amahan.
Kini ang gipalanog sa amahan ni Adriane nga si Benz Diego Llenas dihang nasayran nga dugang duha sa mga tawo nga gitudlong nalambigit sa maong kremin ang nadakpan sa kapolisan didto sa Pagadian City,Zamboanga del Sur.
Miingon ang amahan nga lisod kaniya ang makapaslyo kay dili na mabalik sa mga kriminal ang kinabuhi sa iyang anak nga gihunusan sa mga tawo nga walay kalooy sa miaging tuig 2023.
Subli gibalik pagsulti ni Llenas nga grabe kasakit alang kaniya nga mawad-an sa pinangga nga anak nga halos dili gani patugdanan sa mga lamok apan sa kasayon gipapatay sa mga tawo nga walay mga balatian.
Kini ang rason nga mas milig-on ang ilang pakigbisog aron pagkab-ot sa hustisya alang kang Fornillos.
Dumduman nga nadakpan ang duruha nga giingong maoy mipusil sa ulo ni Adriane dihang kalit mitunga ang nagpaila nga ‘middle man’ sa kremin diin gibulgar ang iyang nahibaw-an kay pakyas mahatag ang kantidad sa salapi isip bayad sa ilang pagtrabaho sa kremin.
Kabahin sa nag-atubang sa kasong murder ang duha ka pastors ug laing upat ka personalidad nga naglakip sa usa ka pa gawasnon nga aduna gihapo’y dakong papel sa kamatayon ni Fornillos.
Hisayrang tungod sa pagkadakpi sa duha ka akusado nga mipusil kang Fornillos,upat na sila nga detinado sa Lumbia City Jail nga nagpaabot sa dugang pagtaral kanila sa sala sa Regional Trial Court Branch 17 ning syudad.
