CAGAYAN DE ORO CITY – Gipatuman sa Police Regional Office 10 kuyog ang ubang law enforcement agencies ang full alert status sa seguridad sa mga lugar nga sakop sa Northern Mindanao hangtod ugmang adlawa.
Kini may kalabutan sa ikaupat nga State of the Nation Address o SONA ni Pres Bongbong Marcos nga iyang iyagyag sa Batasang Pambansa unya sa hapon.
Gibutyag ni PRO 10 spokesperson Major Joann Navarro nga anaa sa taas nga alerto ang tibuok puwersa aron bantayan ang mga mga kalihukan sa katawhan ug bisan sa pipila ka grupo nga hayan mohimo’g kontra-SONA sa presidente.
Siya miingon nga aktibo usab ang task force on SONA 2025 diin mismo ang city ug provincial police directors sa lima ka probinsya ang mangunay pagsusi sa security implementation sa ilang tagsa-tagsa ka area of responsibilities.
