Nagsubo si SANTO PAPA LEON sa dakung kadaut sa 6.9 magnitude nga linog sa Cebu.
Kini nga mensahe, gipadangat sa Santo Papa pinaagi sa iyang Apostolic Nuncio nga si Archbishop Charles John Brown.
Gikompirmar ni Cebu Archbishop Alberto Uy ang mensahe sa Santo Papa human personal niya kining nahinabi ug nangumusta sa mga tawong nakalingkawas sa kusog nga linog.
Miingon ang santo papa nga iyang gi-ampo ang kalag sa tanan nangamatay ug mihalad sa laing pag-ampo alang sa kabaskog sa mga tawong naluwas sa linog.
Una niini, usa sa gisusi sa Santo Papa ang pagmilagro sa mga simbahan Cebu tungod kay ang mga replika ni Hesu Kristo ug ubang mga balaan rebulto wala maunsa taliwala nga halos hugno na ang tanan pader sa simbahan sa Archdiocesan Shrine of Santa Rosa de Lima sa Daanbantayan; Parroquia de San Pedro Apostol sa Bantayan Island; San Isidro Labrador Church sa Tabogon; Capelinha de Fatima Replica sa San Remigio; San Juan Nepomuceno Parish sa San Remigio ug Vicente Ferrer Parish Church sa Barangay Bungtod, Bogo City. H
isayran nga kining mga apektadong simbahan natukod pa sa ika-18 ug dise-nuwebe siglo.
