Uyon si Stella Ferrarez, usa ka mental health advocate, nga kinahanglan pondohan sa gobyerno ang mga programa sa mental health ilabi na nga daghan na karon ang giatubang nga krisis ug isyu sa katilingban.
Alang kaniya, importante ang kahimsog sa utok sa tawo, sama sa kahimsog sa panglawas. Usa sa pananglitan ni Ferrarez ang grabe nga epekto sa 6.9 magnitude nga linog sa CEBU, nga pwedeng hinungdan sa usa ka bulan nga “traumatic” experience sa mga biktima.
Miingon si Ferrarez nga ang mga tawo nga adunay problema sa pangisip kinahanglan mahatagan sa husto ug klarong programa.
Una niini, duda si Ferrarez nga mapatuman ang mga programa ubos sa mental health kay makita man niya sa komonidad nga gamay ra ang gapatabang sa mga experto tungod sa stigma nga sila masaypan nga buang.
Kini ang rason nga iyang gi-awhag ang gobyerno nga mangitag pamaagi nga mahimong epektibo ang balaod ug ma-remodel sa pamaagi nga muhaom sa pagsabot sa bag-ong henerasyon.
