Gipamatud-an ni Cagayan de Oro City Mayor Rolando Klarex Uy nga luwas imnon ang tubig sa syudad.
Miingon ang mayor nga personal nga gisusi sa Department of Health Central Office ang mga tubo sa Cagayan de Oro Water District ug migawas ang resulta nga luwas kining imnon.
Kuyog sa DoH ang City Health Office, mga eksperto sa JR Borja City Hospital ug Department of Health Region 10 sa pagsusi sa tubig-ma-inom sa syudad.
Una niini, 600 ka residente sa Segundo Distrito ug Unang Distrito ang nakasinati sa Acute Gastroenterities epekto sa gidudahang kontaminadong tubig gikan sa COWD ug sa mga libreng tubig nga girasyon sa duha ka dagkung malls ning syudad.
