Dili daw makig-negosyar si Pres Bongbong Marcos ngadto sa mga tawo nga giingong mga kriminal.
Kini ang unod sa iyang pasabog nunot sa gisulti niya nga miduol daw ang kampo ni kanhi Ako Bicol partylist Rep. Zaldy Co ug adunay gitanyag nga hangyo.
Gisulti ni Marcos nga ihunong daw ni Co ang sunod-sunod nga corruption expose batok Marcos kung dili ihinayon pagkanselar sa Pilipinas ang iyang pasaporte.
Apan tubag ni Marcos nga dili kini makig-negosasyon sa mga tawong criminal susama kang Co.
Namahayag si Marcos nga bisan pa’g ihurot ni Zaldy ang paglugwa sa iyang mga expose apan dili kini makapausab sa hukom sa gobierno.
Dili daw makaikyas pa si Co sa giingong hustisya nga tuyo ihatag sa kagamhanan sa katawhan nga biktima sa lapad nga kurapsyon sulod sa gobierno.
Dumduman nga si Co ang pinangita sa balaod kay siya ang giduot nga adunay dako’g partisipasyon sa nakawkaw nga nasudnong pondo nga alang unta sa mga serbisyo ug protyekto sa nasud.
Apan sa mga expose ni Zaldy ning bulana,gitumbok ni si Marcos ug kanhi House Speaker Martin Romualdez nga direktang nakasapi sa 56 bilyon pesos nga kinawat nga salapi diin wala pa’y labot ang 100 bilyones pesos nga direkta napaingon kaniya.
