Gidepensa sa Philippine Army ang tumong sa katukuran sa National Task Force to End Local Communist Armed Conflict (NTF-ELCAC) batok sa panawagan nga kini bungkagon. Gibutyag ni PA Spokesperson Col. Louie Dema-Ala, nga dugay na ang maong panawagan apan, hangtud karon, nagpadayong lig-on ug kasaligan ang kampanya, programa, ug mga kalihukan sa NTF-ELCAC. Gani, pinaagi sa task force, mas daghang mga rebelde ug mga sympathizers sa New Peoples Army (NPA) ang nahatagan sa desente, ug luwas nga kinabuhi, layo silang pagtagu-tagu sa kabukiran. Usa sa dakung tabang sa NTF-ELCAC ang pagresolbar seguridad sa barangay roads ug farm-to-market roads.
