Mukabat sa 303 ka mga biktima sa “War on Drugs Campaign” sa kanhi Duterte Administration ang nagpasa sa ilang aplikasyon sa International Criminal Court (ICC), tungod kuno sa kakulang sa pampublikong impormasyon kalabot sa mga pasangil. Subay sa data nga nahipos sa Registry, wala pa gipagawas ang “Document Containing the Charges (DCC)”, hinungdan nga limitado ang natabangan sa mga grupo nga nagsuporta sa mga biktima. Mas ubos kini sa lima ka porsiyento sa mga aplikasyon gikan sa 78 ka insidente sa pagpatay ug attempted murder nga sakop sa kaso. Gihangyo sa Office of Public Counsel for Victims nga isalikway ang mosyon sa depensa, ug mi-apelar nga hatagan sila’g detalye sa pipila ka biktima, tungod makahatag kini’g peligro sa ilang seguridad. Hisayran nga si Duterte gi-turn over sa ICC niadtong Marso 12 ug nag-atubang sa mga kaso sa pagpatay nga may kalabotan sa iyang drug war.
