Gipasalig sa National Bureau of Investigation (NBI) nga ilang imbestigaran ang nagpakatag sa bakak nga impormasyon nga namatay na si Ombudsman Jesus Crispin “Boying” Remulla. Namahayag si NBI Director Angelito Magno nga gawas sa online libel sa mga nagpakatag sa social media, posible usab nga mapasakahan sila sa kalapasan sa Cybercrime Law. Una nang nakompirmar sa BOMBO NEWS TEAM nga buhi pa si Remulla human kini nagpatawag sa press briefing sa Opisina sa Ombudsman. Kung mahinumduman nga sila Assistant Ombudsman Atty Mico Clavano ug Department of Interior and Local Government (DILG) Secretary JonVic Remulla ang nagpamatuod sa milabay nga mga semana nga himsog ang panglawas ni Remulla, taliwala nga wala kini mitubag sa mga pasangil sa socmed. Una niini, migula ang usa ka video nga burado na karon sa Fakebook nga gi-ingong AI generated nga nagdala sa lawas sa Ombudsman sulod sa daku hospital sa kauluhan.
