(Update) CAGAYAN DE ORO CITY – Gikasubo sa Cagayan de Oro City government nga nakatala’g upat ka kinabuhi sa miembro sa pamilya ang namatay ug laing duha ang angol sa pag-agi sa bagyong Basyang sa Northern Mindanao region.
Kini human kompirmaha ni Nick Jabagat,manager sa City Disaster Risk Reduction and Management Department ng Cagayan de Oro sa subo nga gidangatang hitabo sa pamilyang Lariosa diin nahugnuan sa yuta ang ilang balay sa Gabule Compound,Sambulawan,Brgy Agusan ning syudad kagabii.
Gibutyag ni City Mayor Rolando Uy nga angayang maatiman ang mga patay’ng lawas nga gilakipan sa 12 anyos ug 11 ka bulan nga mga biktima.
Siya miingon nga padulong na matulog ang mga biktima dihang kalit mihugno ang yuta padulong sa balay rason sa trahedya.
Gawas kang Yasmeen,11 ka bulan ug Yami nga dose anyos,patay usab sila Paul Lariosa ug Ruffa Lariosa pulos hingkod ang edad sa hitabo.
Gawas sa mga namatay,samaron usab sila Andi ug Bril nga pulos gihapon mga menor de edad.
Hisayrang kabahin ang Cagayan de Oro City ug Misamis Oriental nga gibundak sa mga kusog nga pag-ulan tungod sa bagyong Basynag diin kanselado ang mga trabaho sa tanang buhatan sa gobierno ug pagkanselar usab sa mga klase sa mag tinun-an sugod kagahapong adlawa.
