Dul-an ₱200 milyon nga kantidad sa ismagol nga sigarilyo sa Northern Mindanao ang gisunog sa Bureau of Customs (BOC) Port of Cagayan de Oro.
Gihimo ang Public Condemnation Ceremony sa Mindanao Container Terminal sub-port sa Tagoloan, Misamis Oriental, diin ₱188 milyon ang kantidad sa ilegal nga sigarilyo nga gilaglag gikan sa nagkalain-laing operasyon sa Rehiyon X gikan sa tuig 2024 hangtod 2025.
Ang seremonya gipangulohan ni District Collector Manuel Zorbito ug gisaksihan ni Deputy Commissioner Romeo Alan Rosales.
Ang duha ka opisyal mipasidaan sa ilang zero tolerance policy batok sa iligal nga tabako, vape, ug agricultural smuggling.
Ang gipangsunog nga kontrabando naglangkob sa 4,360 master cases, diin ang matag kahon adunay 50 ka karton ug ang matag karton adunay 10 ka pakete.
Nasayran nga ang seremonya nagpakita sa sensiridad sa BOC uban sa mga otoridad sa ilang kampanya batok sa smuggling, nga usa sa top agenda ni Presidente Ferdinand Marcos Jr. nga masanta, tungod kay kini maoy usa sa hinungdan nganong malubog sa kinitaan ang lokal nga merkado sa Pilipinas
