Gikataw‑an lang ni defense lead counsel Atty. Nicholas Kaufman ang pahayag ni Atty. Neri Colmenares ug ang tibook miyembro sa prosekusyon nga nangusog nga wagtangon ang iyang panapos nga argumento sa pagtakop sa sesyon sa Confirmation of Charges batok ni kanhi Presidente Rodrigo Duterte sa International Criminal Court (ICC), kagabie.
Miingon si Kaufman nga natural lang nga masakitan ang kampo ni Colmenares tungod sa ilang gipabuhagay nga depensa, ilabi na nga taas ang posibilidad nga ma‑dismiss ang mga alegasyon batok sa iyang kliyente.
Alang sa depensa, pugsanong gibalhog ang 80 anyos nga si Duterte sulod sa halos usa ka tuig, unya sa katapusan, puro mga “hearsay”, tumu-tumo ug apektado sa pamulitika ang iyang kliyente.
Kini ang rason nga gihagit ni Kaufman nga ipalugwa usa‑usa gikan sa mga biktima mismo, ang ebidensya aron mapamatud‑an nga si Duterte mao gyud ang nagpapatay kanila.
Alang sa depensa, kung walay lig‑on nga ebidensya, ug puro lang pasangil, natural lang nga ipapauli sa korte si Duterte ug dili ipadayon ang kaso..
