Gibutyag ni Bise Presidente Sara Duterte nga daan nang kabalo si Presidente Ferdinand Marcos Jr., sa plano sa mga magbabalaod kalabot sa Charter Change.
Nakumpirmar kini ni VP Sara human niya giatubang ang Presidente aron mangayo’ g katin-awan bahin sa giingong laraw nga siya ipaimpeach niadtong tuig 2023.
Namahayag ang Bise Presidente nga sa taliwala sa kasabaan ni Marcos, kalit nga nalakip sa diskusyon ang Charter Change.
Dinhi nagsugod ang iyang pagduda nga tinuod nga plano sa mga magbabalaod ang pagtangtang sa Office of the Vice President, tungod kay gusto nila nga malugwayan ang termino sa mga miyembro sa Kamarabaha ug wala nay bise presidente sa Pilipinas.
Gawas pa niini, giingon ni VP Sara nga gikan mismo kang Marcos nigawas ang impormasyon bahin sa pagpalit sa mga pirma sa katawhan pinaagi sa People’s Initiative.
