Nagmibati og pagduda ang grupong Liberal Youth batok kang Vice President Sara Duterte human mitumaw ang mga alegasyon nga gilantaw sa impeachment proceedings nga gipahigayon niadtong miaging Martes.
Sa pakighinabi sa Bombo Radyo, miingon si Addie Demafeliz, national chairperson sa maong organisasyon, nga ang mga testimonya ni Ramil Madriaga giila nilang detalyado ug konsistent, nga nagmugna og impresyon nga kinahanglan kini seryosohon ug imbestigahon sa hustong paagi.
Para ni Demafeliz, kon tinood man ang mga alegasyon batok sa bise presidente, nagpamatood lamang kini nga usa ka dakong bakak ug pagpangilad ang kampanya kontra droga sa mga Duterte tungod kay sila mismo adunay kalambigitan niini.
Tungod niini, nanawagan ang grupo sa klaro nga tubag sa mga kontrobersiya nga naglibot sa bise presidente.
