Maximum penalty ang gustong ipahamtang ni Roads and Traffic Administrator (RTA) Overseer Kagawad Eric Salcedo sa mga RTA enforcers nga mapamatud-ang adik nga nanarbaho isip job order o regular nga empleyado sa City Hall.
Kini ang pasidaan sa konsehal human napagawas na sa Philippine Drug Enforcment Agency (PDEA-X) ang report nga sa 161 nga gi-surprise drugtest, anaa sa siyam ang nagpositibo nga milala sa shabu ug ang usa nagpositibo sa paghit-hit sa marijuana.
Miingon si Salcedo nga gusto niyang irekomendar ang taas nga penalty kay makauulaw kini alang sa syudad nga adunay mga enforcer nga adik ug masaypan pa ang city hall nga ga-hire sa adik.
Unang gipamugos si Salcedo nga compliant sila sa mando sa Civil Service busa hatagan nilag due process ang ilang pagsita sa serbisyo lakip na sa ilang kampanya nga drug free workplace.
