Gipamugos sa National Bureau of Investigation (NBI) nga responsibilidad sa Senado nga ibalik sa ilang puder si Senator Ronald “Bato” dela Rosa, kay sila man ang naghatag sa protective custody.
Gibutyag ni NBI Director Melvin Matibag nga kinahanglan manubag ang senado kung asa na ang ang ilang miyembro nga kasamtangang adunay gi-atubang nga kaso ug pag-aresto sa International Criminal Court (ICC).
Namahayag usab si Matibag nga adunay gipagawas nga direktiba si Presidente Ferdinand Marcos Jr nga kinahanglan ang patas nga imbestigasyon ug ipapanubag ang mga indibidwal nga mapamatud-ang sad-an sa nahitabong kagubot sa senado.
Una niini, mismo ang palasyo ang nakadawat sa report nga posibleng drama-drama ra o “staged” ang nahitabong tensyon niadtong Mayo 13 sa gabie sulod sa gambalay sa senado
