Nagselyo ang Police Regional Office 10 og zero Undas-related incident sa tibuok Amihanang Mindanao subay sa giluwatan nga taho sa buhatan kagahapong adlawa alang sa Ligtas Undas 2026.
Base sa datos sa Regional Tactical Operations Center, naggunit ang rehiyon sa kinatibuk-ang malinawon nga sitwasyon bisan pa sa pagdagsa sa kapin 679-mil ka bisita sa mga sementeryo sugod Oktubre 30 hangtod hapon sa Nobyembre 2.
Namahayag si PRO-10 Spokesperson PMAJ Joan Navarro, sa ngalan ni Regional Director PBGen. Nestor Babagay Jr., nga bunga kini sa gihimong lakang sa kapolisan kauban ang mga lokal nga kagamhanan ug force multipliers.
Bisan pa sa kapin 400 ka nakumpiskang bawal nga gamit sa checkpoints, nagpabilin nga luwas ug walay gipangtala nga dagkong kagubot sa tibuok rehiyon.
