Magpatawag og dinalian nga meeting ang Committee on Public Order and Safety sa City Council alang sa pagpahugot batok sa pagsulod sa illegal nga droga sa dakbayan.
Gikumpirma ni Committee Chairperson ug Konsehal Roger Abaday nga imbitahon sa maong tigum ang mga buhatan sa PDEA, PNP, Coast Guard, ug ang Liga ng mga Barangay aron mapalapdan ang inter-agency information sharing.
Gipasabot sa opisyal nga kinahanglang magkahiusa ang mga law enforcement agencies sa tugpahanan ug pantalan tungod sa paggamit na sa mga transnational syndicates og eroplano ug barko.
Gi-insistir sa konsehal nga dapat mapugngan ug dili gyud makasulod ang mga kinargahang shabu sa Cagayan de Oro.-
