Giawhag ni Committee on Public Order and Safety Chairperson Konsehal Roger Abaday ang Philippine Drug Enforcement Agency nga magpahigayon og Information ug Education Campaign sa mga barangay sa Cagayan de Oro.
Kini human nagduda ang opisyal nga posibleng nakasulod na sa dakbayan ang pipila ka supply sa shabu nga nasakmit sa kapulisan sa mga silingang dapit.
Gi-insistir sa konsehal nga importanteng matudloan ang mga Barangay Anti-Drug Abuse Council ug mga tanod kon unsaon pag-detect ug pag-identify sa mga nalambigit sa droga.
Matud ni Abaday, dako ang papel sa komunidad sa pagsumpo sa illegal nga droga busa kinahanglang mahibalo ang mga pamilya sa mga sintomas ug kinaiya sa mga nalambigit niini
