CAGAYAN DE ORO CITY – Nakuykoy sa hiniusang internal security operations sa kapolisan ug militarr ang arms cache nga iya sa mga sakop sa CPP-NPA nga naglihok sa Mount Balatukan Peak,Gingoog City,Misamis Oriental.
Namahayag si Police Regional Office 10 Director Brig Gen Jaysen De Guzman nga maoy nakalot sa 1001st ingon man 1004th Manuever Companies ubos sa Regional Mobile Force Batallion 10 kuyog ang 1st Special Forces Batallion, Bravo Company sa 58th IB ug 402nd Brigade sa 4th ID,Philippine Army ang duha ka M-16 rifles nga managlahi ang serial numbers.
Siya miingon nga unang gibulgar sa kanhi NPA member nga si alyas Jonard ang gilubong nga armas hinungdang gihimuan kini’g operasyon aron paghaw-as niini.
Kasamtangang gikustodiya sa 1st Special Forces Batallion Headquarters sa Brgy Mampayag,Manolo Fortich,Bukidnon ang maong mga armas nga Hulyo pa gilubong sa Sub-Regional Comamnd 1 sa North Central Mindanao Regional Committee.
