CAGAYAN DE ORO CITY-Nakab-ot sa Bureau of Internal Revenue o BIR Region 16 ang target tax collection sa tuig 2017.
Kini human mahagit ang BIR-Northern Mindanao sa pakyas nila nga target collection sa 2016 diin nakuha lamang nila ang 12.4 bilyon pesos gikan sa 15.2 bilyon pesos.
Miingon si BIR regional director Atty Hermeno Palamine nga anaa sa 135 milyon pesos ang surplus sa ilang target tax collection sa tuig 2017.
Kini human nakuha nila ang kapin 13 bilyon gikan sa 12.8 bilyon pesos nga gimando kanila nga ika-kolekta sa maong tuig. Giangkon ni Palamine nga dako’g epekto ang nahitabo sa Marawi City sa tax collections apan paspas usab nga nangita’g paagi ang BIR aron makab-ot gihapon nila ang tahas nila sa national government.
