CAGAYAN DE ORO CITY-Tunulan sa ayudang pinansyal sa simbahang Katolika ilabina sa San Agustin Cathedral ang pipila ka pamilya nga apektado sa pagbaha sa syudad epekto sa bagyong Vinta.
Kini isip simpleng pinaskuhan alang sa mga pamilya nga nagpasko sulod sa nagkadaiyang evacuation center ning syudad.
Miingon si Msgr Perceus Cabunoc,rector sa San Agustin Metropolitan Cathedral nga kini ang katuyuan kon nganong mihimo sila’g 2nd collection offering sa Christmas mass kagabii.
Subay sa monitoring sa Bombo Radyo,anaa sa 2-mil 800 ka pamilya ang nagsaulog sa pasko sa evacuation centers kagabii.
