CAGAYAN DE ORO CITY-Nangayo’g pagsabot ang kadagkuan sa Cagayan de Oro Water District o COWD sa perhisyo nga giantos sa publiko.
Kini human anaa sa 56 porsiento sa ilang konsumante ang apektado sa walay suplay sa tubig gumikan sa bagyong Vinta.
Gibutyag ni COWD General Manager Engr Rachel Beja nga gipamulong nila ang pipila sa ilang production wells aron dili masudlan sa hugaw nga tubig gikan sa pagbaha.
Una niini,gipasalig sa COWD nga ilang paningkamutan nga dili na moabot sa 12 ka adlaw ang abnormal nga water supply sa mga apektadong brgy sa tubig-baha sa syudad.
Gihangyo usab ni CDRRMD head Allan Porcadilla ang katawhan nga hatagan sa pagsabot ang sitwasyon sa kakulang sa panubig sa syudad.
Kini tungod kay kanhi giagian sa dakong kalamidad ang syudad tungod sa bagyong Vinta.
Partikular nga gihangyo ni Porcadilla ang pagsabot sa mga residente nga nanimuyo sa brgy uno hangtod 40 kay sila ang direktang apektado sa hitabo.
Gani,miabag na ang syudad sa COWD aron mapadali ang pag-rasyon sa tubig sa katawhang apektado.
