PC:COCPO’s CIU
CAGAYAN DE ORO CITY-Nangayo’g preliminary investigation o PI ang abogado nga unang nasikop sa joint operation sa PDEA-10 ug PNP samtang naggamit sa gidiling droga diha sa Brgy Kauswagan ning syudad.
Kini human kasuhi sa PDEA operatives si Atty Mario Jay Peilago nga chief legal officer sa Dept of Agrarian Reform o DAR-Misamis Oriental.
Miingon si PDEA agent Ben Calibre nga tungod niini,magpabilin una si Peilago sa ilang kustodiya samtang dunggon sa prosekusyon ang duha ka panig.
Si Peilago ang gikasuhan sa pagbaligya,paggamit ug paghupot sa shabu sa piskalya ning syudad.
Una niini,giangkon ni Peilago nga tiggamitan kini sa gidiling droga apan mihimakak nga nakuhaa’g 15 gramos nga shabu atol sa operasyon sa PDEA ug PNP sa miaging adlaw.
